Dona Juana de Vega e Martínez naceu na Coruña o 7 de marzo de 1805. Os seus pais, D. Juan Antonio de la Vega, de Mondoñedo, e Dª María Josefa Martínez, de Monforte de Lemos, instaláronse na Coruña despois de que o seu pai regresase de Cuba. Neste país, Juan Antonio de la Vega, de orixe moi humilde, fixera fortuna como empresario.
Juana de Vega recibiu unha completa formación en Letras e Humanidades, ademais de inculcarlle o gusto pola lectura e a cultura en xeral, que mantivo o resto da súa vida.
A influencia dos seus pais resúmese facendo referencia aos dous eixos que marcaron a súa vida. A Juan Antonio de la Vega débelle a súa filla o seu activismo político e a Mª Josefa Martínez, a súa discreción e a súa paixón por axudar aos máis desfavorecidos.
Esta semana proseguen as reflexións colectivas en Lugo, Santiago e Silleda sobre a xestión agroforestal, a gobernanza territorial e o papel das persoas e da actividade económica no rural galego. O proceso culminará o 28 de maio en Santiago co Foro Territorio Rural Resiliente.
O encontro, celebrado na sede do IBADER, forma parte dun proceso impulsado desde a sociedade civil galega para mellorar a xestión do rural e avanzar cara a un territorio máis activo e resiliente. O foro final, previsto para o 28 de maio en Santiago, abrirá un número limitado de prazas ao público xeral.
“Por que estamos aquí? Precisamos unha visión compartida para planificar e ordenar o territorio rural para construír o territorio rural da Galicia do futuro”, explicaba José Manuel Andrade, director da Fundación Juana de Vega, durante a presentación do Foro Territorio Rural Resiliente.
