Cun orzamento de 1,6M€, o proxecto EC4RURAL está cofinanciado polo Programa LIFE da Unión Europea e implementarase ao longo do período 2023-2027 en varias fases e con obxectivo final de transformar as relacións entre entidades locais, rexionais e as comunidades rurais para contribuír á transición cara ao consumo consciente de enerxía limpa, garantindo que as zonas rurais non queden atrás nun cambio de modelo imprescindible no actual escenario climático. Tamén se busca evitar a pobreza enerxética a pesar da súa riqueza de recursos.
EC4RURAL está cofinanciado polo Programa LIFE, dentro do subprograma Clean Energy Transition, e foi aprobado tras un proceso moi competitivo. O proxecto comezou o 1 de setembro de 2023 e terá unha duración de 48 meses.
A Universidade de Vigo lidera este consorcio multidisciplinar formado por outras nove entidades de España, Bélxica e Estonia. Con sede en Bélxica, atópase a Asociación Europea Leader para o Desenvolvemento Rural (ELARD) e por parte de Estonia están a Universidade de Tartu, a Asociación de Cidades e Municipios de Estonia, a Axencia Rexional de Enerxía de Tartu e a Unión Estonia Leader (ELU). En España participan a Federación Galega de Municipios e Provincias (FEGAMP), a cooperativa Sapiens Enerxía, Unión Espazocoop de Cooperativas Galegas e a Fundación Juana de Vega.
22 casos de estudo e un piloto en Galicia
Ao longo do próximos catro anos, o consorcio de EC4RURAL desenvolverá un espazo de traballo que finalizará coa instalación de dous proxectos pilotos en España e en Estonia para producir electricidade a través de paneis fotovoltaicos. Previamente, realizaranse 34 casos de estudo en ambos os países. Os pilotos sementarán a semente para unha futura replicabilidad, non só nas rexións participantes, senón tamén a nivel europeo, grazas á difusión dos resultados a través da rede de socios e colaboradores externos. Ademais, a estreita cooperación cos Grupos de Acción Local (GAL) será unha parte esencial da metodoloxía de EC4RURAL.
Os 22 municipios distribuídos nas catro provincias ocupan case 2.700 hectáreas e suman unha poboación de case 94.000 habitantes. Son Mazaricos, Moeche, Ordes, Outes, Tordoia, Vedra, Vilasantar (A Coruña); Avión, Entrimo, Muíños (Ourense), Becerreá, Monterroso, Muras, Ourol, Palas de Rei, A Pobra do Brollón, Sober, O Valadouro (Lugo); O Rosal, Salvaterra de Miño, Silleda e Tomiño (Pontevedra).
En Estonia, nos 12 municipios participantes viven máis de 125.000 habitantes, ocupando unha superficie total de máis de 9.000 hectáreas. Son Alutaguse, Elva, Hiiumaa, Järva, Lääne-Harju, Põltsamaa, Rõuge, Saku, Tori, Türi, Viimsi e Viru-Nigula.
Primeira reunión
A primeira reunión do consorcio de EC4RURAL ten lugar hoxe e mañá no Edificio Redeiras da UVIGO. Ademais de representantes dos socios, asistiu en liña Silvia Vivarelli, asesora de Proxectos da Axencia Executiva Europea sobre Clima, Infraestruturas e Medio Ambiente (CINEA, polas súas siglas en inglés), para falar sobre as expectativas do proxecto , recomendacións sobre a xestión do mesmo no marco político da UE.
O coordinador de EC4 RURAL é o profesor Xavier Simón, do Departamento de Economía Aplicada da Universidade de Vigo, membro do Centro CISPAC (Centro Interuniversitario de Investigación das Paisaxes Culturais Atlánticas) e responsable do Observatorio Eólico de Galicia, impulsado xunto coa Fundación Juana de Vega, entre outras, desde 2018.
Nos próximos 48 meses, EC4RURAL abrirá o camiño a cambios no comportamento dos consumidores e as empresas, facilitando un maior diálogo e investimentos conxuntos dos axentes públicos e privados, tal como establece o Pacto Verde Europeo (EGD). Tamén contribuirá ao desenvolvemento rural dentro da nova Política Agrícola Común, así como ao Pacto Rural Europeo e á Política de Cohesión Territorial.
Programa Kick-off-Meeting
Día 1: 20 de setembro de 2023
8:45 Inscrición
9:00 Benvida á Universidade de Vigo
María Isabel Doval Ruíz, Vicerreitora de Benestar, Equidade e Diversidade da UVIGO
Carlos Martínez Carrillo, Vicepresidente da FEGAMP
9:15 Introdución á Kick-off meeting e ao proxecto EC4RURAL
Xavier Simón, Coordinador do proxecto, UVIGO
9:20 Marco político da UE e expectativas do proxecto e Recomendacións sobre a xestión do proxecto
Silvia Vivarelli, Asesora de Proxectos, CINEA
Consorcio EC4RURAL
10:10 Presentación das institucións socias e o seu papel no proxecto
Socio 1 (UVIGO); Socio 2 (UTARTU); Socio 3 (FEGAMP); Socio 4 (AECM); Socio 5 (TREA)
11:00 Pausa café
11:30 Presentación dos socios (cont.)
Socio 6 (Sapiens Energia); Socio 7 (ELU); socio 8 (ESPAZOCOOP); socio 9 (FJDV), socio 10 (ELARD)
Xestión de EC4RURAL
12:20 WP1. Xestión do proxecto
Xavier Simón, Coordinador do Proxecto (UVIGO)
13:30 Xantar
15:30 Comité de Dirección
Presentacións WPs (I)
16:30 WP2. Análise da situación actual. Novos plans e obxectivos enerxéticos das comunidades locais
Líder WP2 (Sapiens Energia)
17:30 WP3. Compromiso e traballo en rede: cara a comunidades enerxéticas rurais
Líder WP3 (ELU)
18:30 Recapitulación e conclusión
Xavier Simón, Coordinador do Proxecto (UVIGO)
21:00 Cea social
Día 2: 21 de setembro de 2023
09:00 Introdución ao Día 2
María Montero (UVIGO)
09:10 WP4. Boas prácticas e formación
Líder WP4 (UTARTU)
10:20 WP5. Piloto e Casos de Estudo
Líder WP5 (UVIGO)
11:20 Pausa café
11:50 WP6. Comunicación, difusión e explotación
Líder do WP6 (ELARD)
Líder de tarefas (FJDV)
EC4RURAL Conclusións do KOM
13:10 Conclusións KoM e Que segue?
Xavier Simón, Coordinador do proxecto, UVIGO
María Montero, UVIGO
13:30 Comida
Este proxecto está cofinanciado pola Unión Europea. Con todo, as opinións e puntos de vista expresados son exclusivamente os do autor ou autores e non reflicten necesariamente os da Unión Europea ou CINEA. Nin a Unión Europea nin a autoridade que concede a subvención poden ser consideradas responsables das mesmas.