A Fundación Juana de Vega é beneficiaria principal do proxecto “ECOSPHEREWINES – Mellora de servizos ecosistémicos e infraestrutura verdes en zonas vitícolas de alto valor ecolóxico”, cofinanciado polo Fondo Europeo de Desenvolvemento Rexional (FEDER) a través do programa Interreg Sudoe 2021-2027.
O proxecto céntrase na mellora das paisaxes vinculadas ao cultivo da vide, un recurso económico e turístico fundamental no espazo SUDOE, especialmente nos territorios do interior afectados polo despoboamento e o envellecemento, onde a preservación do capital natural e ambiental é crucial para as comunidades rurais, xa que é unha fonte de riqueza. O principal obxectivo de ECOSPHEREWINES é potenciar os servizos ecosistémicos que proporcionan as paisaxes agrícolas de viñedo mediante a implementación dunha rede de infraestrutura verde de alto valor ecolóxico como estratexia enfocada á súa conservación e xestión sostible, mellorando a biodiversidade e aumentando a súa resiliencia fronte ao cambio climático. O consorcio está formado por 13 socios e conta con 3 zonas de actuación en España, Francia e Portugal.
1. Obxecto do servizo
Contratar un servizo de xardinería para a plantación de froiteiras e sebes multifuncionais para a restauración e revalorización na parcela experimental de “A Picha”, localizada en Paderne (A Coruña), necesarios para a execución da “Actividade 2.3. Implementación de solucións baseadas na natureza (SBN) nas áreas de experimentación” previstas no proxecto ECOSPHEREWINES.
2. Características do servizo
O servizo incluirá todas as accións necesarias para a implementación das seguintes solucións baseadas na natureza (SBN):
- Plantación de sebes multifuncionais para a restauración de vexetación de ribeira nas zonas húmidas na contorna da charca restaurada.
- Plantación de froiteiras autóctonos para constituír un pequeno bosque comestible.
- Establecemento de bandas florais mediante unha mestura de especies herbáceas e arbustivas para mellora da biodiversidade.
- Traballos de xardinería necesarios para a implementación das actuacións anteriores:
- Tala e destoconado de exemplares novos de piñeiro e eucalipto.
- Triturado de restos de toxo e xesta amoreados en distintos puntos da parcela.
- Roza lixeira e acondicionamento de camiños.
- Acondicionamento de noiros para posterior plantación de especies arbustivas e herbáceas.
Para más información, ver planos e medicións no Anexo I.
Requisitos xerais:
- O adxudicatario deberá coordinarse co persoal técnico da Fundación Juana de Vega para desenvolver as accións indicadas na parcela de “A Picha” (Paderne, A Coruña).
- O adxudicatario comprométese a coordinarse, en caso de ser necesario, co resto das empresas que poidan estar a realizar diferentes traballos na devandita zona experimental.
- Todas as accións desenvolveranse preservando os exemplares autóctonos (carballo, salgueiro, loureiro etc.) e o resto das accións que poidan estar a ter lugar na zona experimental.
3. Prazo de execución do servizo
O contrato cubrirá o período de execución do proxecto desde a formalización do mesmo ata o 15 de decembro de 2025, cun calendario específico acordado entre a Fundación Juana de Vega e o provedor seleccionado, segundo o avance das actividades e a idoneidade das datas de plantación en función das condicións ambientais.
4. Orzamento máximo
O orzamento dispoñible para esta contratación é de 30.000 € (IVE incluído).
Non se admitirán ofertas económicas que superen esta contía.
5. Procedemento de adxudicación
A contratación realizarase mediante procedemento de concorrencia competitiva entre as ofertas presentadas no prazo e forma indicados no anuncio de convocatoria.
6. Documentación a entregar coa oferta
Oferta económica detallada, indicando importe sen IVE e importe con IVE incluído.
- Prazos de execución do servizo.
- Descrición da prestación de servizos obxecto de contrato.
7. Criterios de adxudicación
- Oferta económica (70 puntos):
P= (PM x MO)/OF
P= Puntuación a outorgar a cada oferta
PM= Puntuación máxima para cada criterio (70 puntos)
MO= Importe da oferta máis barata (en euros)
OF= Oferta a valorar (en euros).
- Ademais da oferta económica, teranse en conta para a adxudicación os seguintes criterios cualitativos (30 puntos):
- Garantía e rapidez na execución dos traballos (20 puntos).
- Calquera outra mellora técnica proposta (10 puntos).
7.1. Ofertas anormalmente baixas
Co obxectivo de asegurar a calidade e viabilidade do proxecto, considerarase que unha oferta económica é anormalmente baixa cando o seu importe sexa un 20% ou inferior á media das ofertas recibidas. Nestes casos, a entidade poderá solicitar ao provedor unha xustificación por escrito que explique como pode executar o proxecto con ese orzamento, incluíndo:
- Explicación de vantaxes competitivas, innovacións ou condicións excepcionais que permitan ofertar a ese prezo.
- Garantías de cumprimento dos requisitos técnicos e prazos.
- Calquera outra documentación que demostre a capacidade técnica e financeira para executar o contrato nos termos ofertados.
Se a xustificación non resulta suficiente, a entidade resérvase o dereito de excluír a oferta por considerala inviable.
8. Forma de pago
O pago realizarase mediante transferencia bancaria contra a presentación de factura e previa conformidade da Fundación Juana de Vega coa prestación efectuada. A Fundación Juana de Vega poderá establecer pagos parciais en función dos fitos de entrega.
9. Confidencialidade e protección de datos
O adxudicatario queda obrigado a manter a confidencialidade sobre toda a información e documentación á que teña acceso durante a execución do contrato, así como a cumprir coa normativa vixente co obxectivo en materia de protección de datos.
10. Prazo e forma de presentación de la oferta
Prazo: 5 días hábiles a partir do día seguinte á publicación da convocatoria.
- Envío: por correo electrónico a tgesto@juanadevega.org co asunto:
"ECOSPHEREWINES – Contratación servizo de xardinería para a implantación de SBN".