Linkedin-in Facebook-f Youtube

Xornadas internacionais: Restauración e xestión de xardíns históricos

6, 7 e 8 novembro de 2025

Vigo, Pontevedra

Espazos vivos entre o pasado e os retos do presente: un novo modelo de xestión e conservación desde a perspectiva da infraestrutura verde



Os xardíns históricos son testemuñas vivas da nosa historia cultural e natural. Representan espazos onde a arte do deseño paisaxístico se entrelaza coa biodiversidade, os coñecementos tradicionais e a memoria colectiva. Pero hoxe, fronte aos desafíos do cambio climático, da perda de biodiversidade e da presión urbana, a súa conservación require novas miradas e ferramentas.

Estas xornadas internacionais sobre “Restauración e xestión de xardíns históricos” queren ser un punto de encontro entre profesionais da paisaxe, da arquitectura, da ecoloxía, da historia e da xestión pública. Propoñen abrir un espazo para reflexionar e compartir experiencias sobre como abordar a restauración destes espazos desde unha perspectiva actual, integrando criterios ecolóxicos, culturais e sociais.

A restauración dos xardíns históricos non pode limitarse a unha reprodución formal do pasado, senón que debe procurar un equilibrio entre o respecto pola identidade e a adaptación funcional aos retos contemporáneos. Neste sentido, as xornadas porán o foco na aplicación dos principios da infraestrutura verde e das solucións baseadas na natureza para unha planificación, recuperación e xestión sostible a longo prazo, en coherencia co respecto á historia, desenvolvemento e evolución dos espazos históricos.

OBXECTIVOS

  • Promover unha visión contemporánea e ecolóxica da restauración de xardíns históricos.
  • Impulsar metodoloxías que combinen conservación patrimonial, biodiversidade e participación social.
  • Fomentar a colaboración entre profesionais e entidades implicadas na xestión do patrimonio cultural e da paisaxe.
  • Compartir experiencias e boas prácticas a nivel nacional e internacional.

MODALIDADE
Presencial no Pazo de Quiñones de León (Castrelos, Vigo) [ver en Google Maps].

DESTINATARIOS
Profesionais e persoas con interese na temática.

DATAS
6, 7 e 8 novembro de 2025

PRAZAS
Limitadas: 50*

* O obradoiro de paisaxe para elaboración de propostas en grupo está reservado aos primeiros 25 inscritos.

CUSTO
Gratuíto

INSCRICIÓN 
No seguinte formulario ata o martes 4/11/2025 (14:00h). Cubertas as 50 prazas, o resto de persoas interesadas pasarán a lista de espera.

Axenda

Xoves, 6 de novembro

9:00 – 9:30h | Recepción 

9:30 – 10:00h | Presentación institucional 

10:00 – 10:45h | A restauración de xardíns Históricos: Marco legal en España e metodoloxía do Ministerio de Cultura: Antonio Antequera, IPCE – Instituto de Patrimonio Cultural de España (Ministerio de Cultura) 

10:45 – 11:30h | Proxecto de restauración das aliñacións arbóreas do Paseo de Canapés no Real Sitio de San Lorenzo de El Escorial e exemplos de redimensionamento de sebes en xardíns de Patrimonio Nacional: Roberto Martínez Pérez, Departamento de Jardines y Montes de Patrimonio Nacional 

11.30 – 12.00h | Pausa café 

12:00 – 12:45h | A rehabilitación da parte histórica do Parc del Guinardó (Distrito D’Horta-Guinardó, Barcelona): Mònica Vila, arquitecta 

12:45 – 14:00h | Mesa redonda cos participantes 

14:00 – 16:00h | Pausa xantar (libre) 

16:00 – 18:30h | Visita guiada ao caso de estudo: Castrelos 

18.30h | Fin da xornada

 

Venres, 7 de novembro

9:30 – 10:00h | Recepción 

10:00 – 10:45h | A restauración de xardíns hispanoárabes: José Tito Rojo, Universidad de Granada 

10:45 – 11:30h | Os xardíns históricos no marco da infraestrutura verde en Italia: Fabio Salbitano, Università di Firenze 

11.30 – 12.00h | Pausa café 

12:00 – 12:45h | A restauración e xestión de xardíns históricos inseridos en áreas protexidas de patrimonio cultural da UNESCO: Sintra e Belém (Lisboa): Luís Ribeiro, Comité Científico de Sintra 

12:45 – 14:00h | Mesa redonda cos participantes 

14:00 – 16:00h |  Pausa xantar (libre) 

 16:00 – 16:45h | Proxecto de restauración dos xardíns do Pazo de Castrelos: Pedro Calaza Martínez, Área da Paisaxe, Fundación Juana de Vega 

16:45 – 17:30h | Reflexións sobre a metodoloxía da restauración de xardíns en España: Ana Luengo, Citerea

17:30 – 19.30 h | OBRADOIRO INTERNACIONAL DE PAISAXE (25 prazas) – Dinámicas de análise e diagnose: Ana Luengo, Citerea

19.30h | Fin da xornada 

 

Sábado, 8 de novembro

9:30 – 10:00h | Recepción 

10:00 – 12:00h | OBRADOIRO INTERNACIONAL DE PAISAXE (25 prazas) – Elaboración de propostas en grupo: Ana Luengo, Citerea

12:00 – 13:30h | Presentación de resultados

13:30 – 14:00h | Conclusións

 

Folleto:

 

 

 

MÁIS INFORMACIÓN
Esta actividade forma parte da programación especial do Concello de Vigo con motivo do centenario da doazón do Pazo de Castrelos á cidade por parte do Marqués de Alcedo. Así mesmo, enmárcase no convenio de colaboración firmado entre o goberno local e a Fundación Juana de Vega para a elaboración dun estudo, diagnose e proxecto de recuperación dos xardíns do Pazo de Castrelos, a realización de actividades de formación, sensibilización e de divulgación dos valores deste ben histórico do patrimonio local.