Durante case un ano e medio, a Fundación Juana de Vega (A Coruña) e a empresa Agroassessor (Girona) promovemos as "Xornadas e seminarios técnicos para o impulso da agricultura rexenerativa e sostible" (ver máis información aquí) de forma conxunta entre Galicia e Cataluña subvencionadas polo Ministerio de Agricultura, Pesca e Alimentación.
Esta xornada é a terceira das xornadas técnicas sectoriais programadas que, cunha duración de 7 horas, abordará os aspectos clave e específicos da produción de froiteiras e outros cultivos leñosos. Revisaranse as ferramentas e técnicas claves para ter plantacións froiteiras rendibles con modelos produtivos respectuosos, centrados na rexeneración do chan, a biodiversidade e a saúde do ecosistema.
OBXECTIVOS
Ao final da xornada técnica, os participantes contarán cos criterios técnicos e estratéxicos necesarios para deseñar, implantar e xestionar plantacións de froiteiras e cultivos leñosos baixo un enfoque rexenerativo, optimizando a saúde do chan, a eficiencia no uso de recursos, a redución de insumos externos e a rendibilidade sostible da explotación.
FACILITADOR: Martí Vila
Martí Vila é enxeñeiro técnico agrícola pola Universitat de Girona, especializado en explotacións agropecuarias, con máis de 20 anos de experiencia en fruticultura, xestión de explotacións e consultoría agrícola. Desde 2022 forma parte de The Regen Academy como asesor, consultor e formador en agricultura rexenerativa, completando o Máster en Agricultura Rexenerativa 360º. Nos últimos anos asesorou e deseñou proxectos orientados á transición cara a modelos produtivos máis resilientes, rendibles e sostibles.
A súa traxectoria inclúe o asesoramento técnico en explotacións frutícolas —especialmente en mazá, pera, froita de óso, oliveiral e horticultura—, así como funcións de responsable de explotación, liderado de equipos e xestión de proxectos de innovación. Conta ademais con experiencia en manexo holístico aplicado ao pastoreo rexenerativo, diagnóstico e fertilidade de chans e sanidade en fruticultura ecolóxica. Complementa o seu perfil con experiencia docente en formación profesional agraria, achegando unha formación práctica, técnica e orientada a resultados reais en campo.
DATAS
Cataluña: martes, 17 marzo 2026 | 9:00-17:00h
Galicia: martes, 24 marzo 2026 | 9:30-18:00h
MODALIDADE
Presencial Galicia: Sede da Fundación Juana de Vega
Avda. Salvador Allende, 92. Parroquia San Pedro de Nós. 15176 Oleiros, A Coruña
[Ver en Google Maps]
Presencial Cataluña: Finca Can Font
Carrer del Mar, 5. 17493 Marzà (Girona)
[Ver en Google Maps]
GRUPO OBXECTIVO
Produtores e asesores agrarios
DURACIÓN
7 horas
PRAZAS
Limitadas: 15
DATA MÁXIMA DE INSCRICIÓN: venres, 6 de marzo na edición Cataluña; e venres, 13 de marzo na edición Galicia.*
* Pídese aos admitidos compromiso de participación xa que a listaxe de alumnos ten que serr comunicado ao MAPA con 10 días de antelación.
INSCRICIÓN
No seguinte formulario:
