Introdución
Entregar unha obra de xardinería coas plantas no seu punto de tamaño e calidade é un reto para xardineiros e paisaxistas; e na medida en que o conseguen son máis competitivos nun mercado esixente. A posibilidade de dispor de estruturas como tepes, xa desenvolvidas, con planta crecida e no punto óptimo para a instalación resolverá en gran medida esta problemática, aumentará as oportunidades de éxito das obras de xardinería e paisaxismo e reducirá os custes de mantemento.
Tanto o proxecto como esta xornada de divulgacióncontan coa axuda para a execución deproxectos piloto para o desenvolvemento de novos produtos, prácticas, procesos e tecnoloxías no ámbito agroforestal, cofinanciadas co Fondo Europeo Agrícola de Desenvolvemento Rural (Feader) no marco do Programa de Desenvolvemento rural (PDR) de Galicia 2014-2020.
Obxectivo da xornada
A xornada técnica ten como obxectivo a presentación dos resultados do proxecto piloto coordinado por A MAN DE PRADO S.L.U. e no que participan como entidades colaboradoras ARBOREJARDIN, a UNIVERSIDADE DE SANTIAGO DE COMPOSTELA, ORGÁNICA DE SUSTRATOS S.L e a FUNDACIÓN JUANA DE VEGA.
A xornada terá lugar o vindeiro 27 de setembro por streaming.
A presentación dos resultados farase en dous relatorios: un, por parte do axente de innovación do proxecto e outro, por parte da Universidade de Santiago de Compostela, segundo se indica no programa.
A xornada vai dirixida ás persoas vinculadas co sector viveirista galego, fundamentalmente.
