Xornada técnica 2 | As bases do modelo de produción sostible de alimentos e a súa proxección a futuro

Desenvolvemento Rural

Xornada técnica 2 | As bases do modelo de produción sostible de alimentos e a súa proxección a futuro

Martes, 25/03 e venres, 28/03 | Galicia e Cataluña

Online e presencial (Lalín, Pontevedra e Pedret i Marzà, Girona)

No marco das Xornadas e seminarios técnicos para o impulso da agricultura rexenerativa e sostible

Durante case un ano e medio, a Fundación Juana de Vega (A Coruña) e a empresa Agroassessor (Girona) promovemos as "Xornadas e seminarios técnicos para o impulso da agricultura rexenerativa e sostible" (ver máis información aquí) de forma conxunta entre Galicia e Cataluña subvencionadas polo Ministerio de Agricultura, Pesca e Alimentación.

Esta xornada técnica é a segunda das catro que se impartirán entre marzo e setembro deste ano. En concreto, esta sesión híbrida impartirase de forma paralela nas dúas comunidades que organizan este programa. Durante a sesión en liña do primeiro día, os asistentes revisarán conceptos básicos sobre a agricultura rexenerativa, modelos existentes e a súa planificación en terreo. O segundo día, visitarán unha explotación onde xa teñen implantando con éxito o modelo rexenerativo para coñecer in situ a súa experiencia.

MODALIDADE
Mixta (online e presencial)

GRUPO OBXECTIVO
Produtores e asesores agrarios

DURACIÓN
7 horas

PRAZAS
Limitadas: 30 en total (15 para Galicia e 15 para Cataluña)

INSCRICIÓN CONXUNTA PARA AMBAS CC.AA.
No seguinte formulario:

Axenda

EDICIÓN GALICIA | 25 e 28 de marzo de 2025

Martes, 25 de marzo | Online | 10:00-14:00h
Facilitador: Roger Rabés, Ágora Regenerativa

Programa

1. Que é a agricultura rexenerativa.
2. Os diferentes modelos de agricultura sostible. Terminoloxía.
3. Planificar a evolución entre os diferentes modelos.

Venres, 28 de marzo | Presencial | 15:00-18:00h
Facilitador: Jose Lorenzo, gandeiro e propietario da gandería A Casa do Carril (Lalín, Pontevedra)
A Casa do Carril é unha explotación familiar con dez anos de transformación que, a día de hoxe, representa o mellor exemplo en gandería rexenerativa de leite 100% a pasto da Península. A visita a este negocio permitiralle aos asistentes coñecer de primeira man un sistema produtivo que cambiou unha produción convencional a piques de pechar por unha produción rendible, reducindo custos e mellorando a produtividade mediante a xestión eficiente dos recursos naturais.

EDICIÓN CATALUÑA | 25 e 28 de marzo de 2025

Martes, 25 de marzo | Online | 9:30-13:30h
Facilitador: Ester Pérez García, The Regen Academy.

Programa

1. Que é a agricultura rexenerativa.
2. Os diferentes modelos de agricultura sostible. Terminoloxía.
3. Planificar a evolución entre os diferentes modelos.

Venres, 28 de marzo | Presencial | 9.30 – 12.30h
Durante esta visita á granxa Can Font (Pedret i Marzà, Girona), os asistentes poderán analizar a transición ao modelo de produción rexenerativo, con viñedo, oliveiras, horta, frutais e pastos.

PROGRAMA DE TODAS AS XORNADAS TÉCNICAS

As “Xornadas e seminarios técnicos para o impulso da agricultura rexenerativa e sostible” contan cun orzamento de 104.823,6€ achegados polo Ministerio de Agricultura, Pesca y Alimentación con cargo á subvención para o Intercambio de coñecementos e actividades de formación e información de ámbito supraautonómico, destinadas ao sector agroalimentario e forestal. Están cofinanciadas nun 43% por FEADER e nun 57% por fondos da Administración Xeral do Estado.

RELACIONADOS

Programa completo das "Xornadas e seminarios técnicos para o impulso da agricultura rexenerativa e sostible"

Desenvolvemento Rural