O sector do vacún de carne é fundamental para o mantemento do rural galego. Contribúe de maneira especial á xestión do territorio e á conservación da paisaxe en mosaico agroforestal, tan característico da nosa comunidade.
Conscientes desta realidade, o consorcio de Grupo Operativo Rede Galega de Granxas Modelo estableceu unha rede de granxas de vacún de carne representativas da realidade do sector en Galicia que achega datos técnicos e económicos para a elaboración de estudos anuais de custos. Estes estudos permiten mellorar a capacitación dos xefes de explotación e asesores técnicos, favorecendo unha xestión máis eficiente e, en consecuencia, unha maior rendibilidade e viabilidade a longo prazo.
Nesta xornada de carácter técnico e asistencia libre, presentaranse os primeiros resultados acadados polo traballo do grupo. A xornada terá lugar na sede da Cooperativa A Carqueixa en San Román de Cervantes (Lugo).
DATA
Mércores, 8 de outubro
DURACIÓN
10.45 - 14:30h
MODALIDADE
Presencial en Hotel Casa Belón, Cervantes (Lugo) [Google Maps >> https://maps.app.goo.gl/VsxYgBGLSjp6qC9YA]
GRUPO OBXECTIVO
Cadea de valor do sector da carne de vacún
Outros sectores produtivos do agro galego
Produtores e asesores agrarios
Investigadores
Outros
PRAZAS
Só 40 prazas
INSCRICIÓN E COMIDA DE BALDE
Data máxima de inscrición: luns, 6 de outubro ás 12:00h