A xornada ten como obxectivo presentar os principais resultados do Grupo Operativo Avea Moura e poñer en valor o potencial da avea moura galega como cultivo tradicional recuperado, materia prima diferenciada e base para novos produtos alimentarios e cosméticos con valor funcional, favorecendo a súa transferencia ao sector produtivo, transformador e consumidor. 

O Grupo  Avea Moura naceu para contribuír á recuperación e valorización das avenas negras autóctonas galegas, combinando caracterización agronómica, análise química e desenvolvemento de novos produtos derivados. Ao longo do proxecto traballouse na selección de variedades, no estudo do seu potencial funcional e na creación de prototipos en tres liñas de valorización: fermentados, cosmética e panificación. 

A xornada final pretende compartir os resultados acadados, mostrar os prototipos desenvolvidos e abrir un espazo de diálogo sobre as posibilidades futuras deste cultivo en Galicia. 

Prazas: 50.

Inscrición: pechada.