A sexta newsletter do proxecto europeo DOWN TO EARTH xa está dispoñible nos sete idiomas do consorcio, incluído o español. Pode consultarse aquí: https://www.interregeurope.eu/down-to-earth/news-and-events/news/sixth-newsletter-down-to-earth
A publicación deste sexto boletín coincide co cerre do terceiro ano do proxecto, durante o cal o consorcio investigou instrumentos políticos que fomentan o papel dos agricultores e xestores de terras na loita contra el cambio climático e os riscos ambientais.
Entre os temas a destacar, a crónica da terceira Conferencia Temática de DOWN TO EARTH “Xestionar a terra para protexer o territorio: boas prácticas para un rural máis resiliente” que organizou a Fundación Juana de Vega así como a visita de estudo pola provincia de Lugo para coñecer en persoa diversas empresas rurais que traballan na conservación da biodiversidade, a restauración de hábitats e a produción agroecolóxica de alimentos. A actividade tivo lugar entre o 3 e o 5 de febreiro.
Streaming da terceira conferencia temática
Para quen non puidese asistir á terceira Conferencia Temática de Down to Earth “Xestionar a terra para protexer o territorio: boas prácticas para un rural máis resiliente”, o streaming íntegro está dispoñible na canle de Youtube da Fundación Juana de Vega:
- En galego: https://www.youtube.com/live/ZtY2RyKR2T8
- En inglés: https://www.youtube.com/live/S_3LFX1Ubhw