Este libro reúne os relatorios presentados no verán de 2010 no marco da III edición dos congresos bianuais que, desde 2006, puxo en marcha a Cátedra Juana de Vega.

Coincidindo co arranque da celebración dos bicentenarios do que moitos países de América consideran o inicio das súas independencias, a reunión tivo como obxectivo analizar ese proceso histórico desde distintas vertentes. Así, as diversas fórmulas de disolución imperial, as propostas autonómicas en diferentes xeografías, o pensamento e a ideoloxía da época, as especiais circunstancias de xénero, raza e clase social e outras cuestións de índole política, económica e historiográfica foron obxecto de discusión por parte dun grupo de destacados especialistas de varias universidades españolas e americanas ou deron lugar a unha análise conxunta acerca das múltiples experiencias derivadas da crise inaugurada á altura de 1810. Pola calidade dos seus participantes e o enfoque dos temas que se abordaron, cremos estar en condicións de asinar que a reunión foi, sen dúbida, unha das mais relevantes de cantas en 2010 celebráronse a ambas as beiras do Atlántico sobre esta cuestión.