Desde setembro do 2020, a Fundación Juana de Vega está traballando no proxecto FOODIMPROV´IDERS en colaboración con cinco entidades europeas. Este proxecto forma parte da convocatoria Erasmus+ (KA204 Strategic Partnerships for adult education) e ten como obxectivo principal axudar aos produtores primarios da UE para adquirir coñecementos e competencias para desenvolver modelos de comercialización baseados en circuítos curtos que lles permitan vender os seus produtos.

Estes modelos, que están estreitamente vinculados a un territorio e teñen numerosas vantaxes como mellorar a renda dos produtores, aumentar o recoñecemento e o prestixio do sector produtor de alimentos na sociedade, aumentar a satisfacción dos consumidores e desempeñar un papel importante nas estratexias de valorización dos territorios.

O 10 de maio de 2023 tivo lugar o evento multiplicador “Promovendo o salto de escala dos sistemas agrarios territorializados” na sede da Fundación Juana de Vega. A xornada tiña como obxectivos principais presentarlle ao sector produtor de alimentos as ferramentas desenvolvidas no proxecto e ofrecer un marco de diálogo e intercambio que impulsase e afianzar as incitativas locais en liña coa Axenda 2030 e os obxectivos do Pacto Verde Europeo.

Vídeos das intervencións
Ver os vídeos dos relatores na nosa canle de Youtube: https://www.youtube.com/playlist?list=PL2c0ZKS8IPnmeI3qfNtwnk4jdHZV5mk5_