No marco do ciclo "Os Venres dos Polos", o Polo de emprendemento e apoio ao emprego Ferrol coa colaboración do GDR-29 Asociación de Desenvolvemento Rural Mariñas celebrou este 27 de xuño a xornada de boas prácticas e oportunidades de desenvolvemento rural en As Mariñas Betanzos "Emprender no rural: Raíces que fan medrar".

A actividade serviu como punto de conexión entre persoas emprendedoras, entidades locais, asociacións e outros axentes do territorio que queríann coñecer de primeira man exemplos inspiradores, intercambiar experiencias e explorar novas oportunidades para activar iniciativas no medio rural.

Contou coa participación de Paula Martínez, da Castrexa, e Juanjo Blanco, de Galicia Eventos e Ocio, no faladoiro sobre proxectos de éxito. Por outra banda, para falar da súa experiencia como beneficiarios das axudas LEADER, participaron Miguel Ángel Roig,  dos Biosbardos, e Cristina Bañobre, de Daterra. Consultar aquí o programa completo.

A Fundación Juana de Vega é a entidade coordinadora da Rede de Polos de emprendemento e coordina o Polo de Ferrol, xunto co de Verín e de Vilanova de Arousa.