Novas / Escola Galega da Paisaxe

Entrega dos galardóns do certame Vilas en Flor Galicia 2021

A entrega dos galardóns de Vilas en Flor Galicia celebrarase o 17 de novembro en Allariz, para distinguir a posta en valor da paisaxe de 30 concellos de toda Galicia

Un xurado experto no ámbito profesional e universitario realizou diversas visitas aos municipios e analizou aspectos como a implantación e xestión de espazos verdes, ou a contribución das políticas ambientais ao desenvolvemento económico e turístico dos municipios

Na entrega das distincións participarán representantes da organización: Fundación Juana de Vega, a Asociacion de Viveiristas do Noroeste (Asvinor) e a Asociación Galega de Empresas de Xardinería (Agaexar). Tamén intervirán representantes das entidades patrocinadoras, Rain Bird, Husqvarna e Piaggio Comercial

Oleiros, 10 de outubro de 2021.- A edición 2021 do programa "Vilas en Flor" entra na súa recta final. O xurado xa ten practicamente utimado o fallo dos galardóns deste certame, impulsado pola Fundación Juana de Vega, na procura da mellora ambiental, social e económica dos concellos galegos a través das súas iniciativas a prol da posta en valor, conservación, integración e mantemento da súa paisaxe urbana e rural. Tras as deliberacións, o acto de entrega do galardón celebrarase o próximo mércores, 17 de novembro, a partir das 11.30 horas. O escenario elixido nesta ocasión é Allariz, localidade da provincia de Ourense que ven participando neste certame desde a súa primeira edición, e acadando o máximo recoñecemento polo seu excelente labor neste ámbito. O acto desenvolverase no patio do Museo do Coiro, e nel participarán tanto representantes da organizacion como dos patrocinadores e, por suposto, dos concellos participantes nesta iniciativa. 

Este ano, o cuarto en que se celebra este certame que segue o modelo de grandes pioneiros en paisaxismo como Reino Unido, Irlanda, Francia, Italia ou Canadá, bateuse o récord de participación, con 30 municipios. Todos eles aspiran a recibir as flores de honra (ata un máximo de cinco), coas que se valoran as accións desenvolvidas para mellorar e resaltar os espazos verdes urbanos, a xestión sostible, a educación ambiental e a concienciación cidadá no coidado da contorna.

O equipo do xurado desde programa, organizado pola Fundación Juana de Vega, a Asociacion de Viveristas do Noroeste (Asvinor) e a Asociación Galega de Empresas de Xardinería (Agaexar), e patrocinada por destacadas empresas: Rain Bird, Husqvarna e Piaggio, está formado por profesionais de recoñecido prestixio no ámbito do paisaxismo. Son un total de dez expertos, desde docentes universitarios ata enxeñeiros agrícolas de entidades públicas e privadas, arquitectos e mesmo historiadores, tanto de Galicia como de Portugal. Están conformados en cinco grupos, que tras realizar as correspondentes visitas procederon a consensuar as avaliacións en base aos criterios do sistema de valoración. Todos eles destacaron a excelente disposición, interese e facilidades amosadas tanto polos responsables técnicos como institucionais dos concellos nos que se realizaron as visitas e que acompañaron aos membros do xurado durante os percorridos polas localidades.

O proxecto persegue a mellora ambiental, social e económica dos concellos galegos, así como a dinamización do sector do paisaxismo e a ornamentación. Por tanto, o xurado deberá avaliar aspectos como a adecuada implantación e xestión dos espazos verdes realizada polos concellos, así como a contribución das súas políticas ambientais ao desenvolvemento económico local, xerando máis actividade económica derivada do propio sector da planta ornamental e da xardinería así como dun previsible aumento de visitas turísticas.

 

Relación de concellos participantes:

  • Provincia de Pontevedra: A Guarda, Baiona, Caldas de Reis, Cambados, Cuntis, Gondomar, Lalín, Salceda de Caselas, Salvaterra de Miño, Tomiño, Tui, Mondariz, Vilagarcía.
  • Provincia de Ourense: Allariz, Carballiño.
  • Provincia da Coruña: Betanzos, Culleredo, Fene, Narón, Ortigueira, Ponteceso, Pontedeume, Sada, San Sadurniño, Oza, Miño
  • Provincia de Lugo: Chantada, Mondoñedo, Sarria,Guitiriz.

 

Expertos integrantes do xurado

  • María Isabel Iglesias Díaz. Doutora en Ciencias Biolóxicas. Profesora titular na Escola Politécnica Superior da Universidade de Santiago de Compostela.
  • Carlos Cárcamo Álvarez. Enxeñeiro técnico agrícola do Concello de Ourense.
  • Camino Nicolás Velado. Directora do Centro de Formación e Experimentación Agraria de Guísamo.
  • Lois Arenas Barreiro. Enxeñeiro Técnico Agrícola. Xefe de explotación CFEA Guísamo.
  • Silvia V. Caffaro. Doutora Enxeñeira Agrónoma. Empresa: Viveros Florgalicia S.L.
  • Xurxo Xoán González Conde. Administrador de Viveiros Adoa 
  • Domingos Manuel Mendes Lopes. Director da Graduation de Arquitetura Paisagista da UTAD. Profesor do Departamento de Ciências Florestais e Arquitetura Paisagista da Universidade de Trás-os-Montese Alto Douro (UTAD)
  • Manuel Torres Labandeira. Doutor Enxeñeiro Agrónomo. Profesor titular na Escola Politécnica Superior da Universidade de Santiago de Compostela.
  • Manuel Rodilla del Barrio. Arquitecto Técnico.
  • Javier Padin Martínez. Arquitecto técnico e historiador.

 


Novas relacionadas

Allariz, sede este ano da entrega de Vilas en Flor, obtén o maior recoñecemento xunto con Chantada no certame que premia os concellos con mellor xestión de espazos verdes

O certame, impulsado pola Fundación Juana de Vega, bateu récords de participación, con 30 concellos que obtiveron entre unha e catro flores de honra recoñecendo a posta en valor da súa paisaxe ur...

O xurado do certame Vilas en Flor completa as visitas aos 29 concellos participantes para deliberar sobre a súa xestión paisaxística e ambiental

Está formado por un equipo de dez expertos de universidades, administracións e entidades públicas e privadas, que destacaron o interese e a disposición dos técnicos e xestores dos municipios Na ...

O certame “Vilas en Flor” vén de emitir o fallo para outorgar as súas distincións aos concellos participantes nesta terceira edición que puxo en valor o deseño, xestión e mantemento dos espazos verdes urbanos coas súas flores de honra para os 26 concellos

Chantada e Allariz acadan de novo as catro flores de honra. O xurado distinguiu tamén a Caldas de Reis, Lalín, Tomiño e Salvaterra de Miño con tres flores; a os de A Guarda, Baiona, Carballiño, C...

Chantada e Allariz acadan as catro flores de honra como as vila máis fermosas de Galicia no certame Vilas en Flor

O xurado distinguiu tamén a Caldas de Reis e Salvaterra con tres flores. Ademáis de Portomarín, Ponteceso, Tomiño, Mondoñedo, A Guarda, Culleredo, Cuntis, Carballiño e Betanzos con dous. Pola s...

Os concellos de Chantada e Allariz recoñecidos pola boa xestión dos espazos verdes.

Nesta primeira edición do programa, impulsado pola Fundación Juana de Vega, AGAEXAR e ASVINOR, participaban tamén Caldas de Reis, con tres flores de honra; Betanzos, con dous, e Ortigueira, que lev...

A Fundación Juana de Vega, ASVINOR e AGAEXAR poñen en marcha en Galicia, o programa internacional Vilas en flor

Anualmente outorgaranse as Flores de Honra (entre unha e cinco flores) aos municipios participantes elixidos por un xurado especializado, como recoñecemento tanto a traxectoria como as accións levad...


Actividades relacionadas

Vilas en flor

Un recoñecemento ao labor dos municipios por mellorar o seu espazo urbano...


Comentarios