Programa de formación semipresencial sobre canles curtas de comercialización de alimentos 2023

No marco do proxecto Erasmus + "FOODIMPROV'IDERS" no que a Fundación Juana de Vega participa con outros 5 socios de Francia, Italia, Hungría, Eslovenia e Bulgaria, elaborouse o curso modular en liña "Canles curtas de comercialización no sector agroalimentario"

Este ano abrimos a inscrición definitiva aos módulos en liña de xeito gratuíto para todas as persoas interesadas.

A oferta online complétase cun obradoiro de emprendemento e un programa de conferencias web curtas entre os meses de febreiro e xuño.

Inscrición gratuíta aberta de forma continua para módulos en liña e sesións de webconference.

Formación en liña aberta 

Acceso gratuíto aos cursos da plataforma FOODIMPROV'IDERS, previa inscrición a través da web da Fundación Juana de Vega.

• Modulo 1.- Presentación do proxecto.
• Módulo 2.- Seguridade alimentaria.
• Módulo 3.- Xestión.
• Módulo 4.- Etiquetaxe
• Módulo 5.- Canles alimentarias alternativas.
• Módulo 6.- Procesado de alimentos.
• Módulo 7.- Marketing
• Módulo 8.- Casos de estudo.

Para solicitar o certificado de aproveitamento do módulo é necesario realizar a proba de coñecementos e completar a enquisa de satisfacción que se atopa ao final de cada módulo formativo.

É posible obter un diploma xeral de aproveitamento se se completan os 8 módulos en liña e se acredita a asistencia a 4 conferencias web.

Obradoiro práctico "Construíndo o escenario futuro da miña empresa" 

Obradoiro para emprendedores do ámbito agroalimentario no que, mediante a metodoloxía interactiva LEGO® SERIOUS PLAY®, poden identificar e afondar na situación actual da empresa/negocio/proxecto e visibilizar o seu estado nun horizonte temporal de 3 anos, definindo unha primeira folla de ruta para axudarlles a pasar do estado inicial A ao estado desexado B.

• Data: xoves 4 de maio
• Horario: 10:00-13:00
• Prazas: 12
• Lugar: Sede da Fundación Juana de Vega. San Pedro de Nós- Oleiros

Terán preferencia os estudantes que teñan superado con éxito polo menos 3 módulos en liña.

Sesións de conferencia web 

Píldoras formativas complementarias aos módulos en liña en formato de conferencia web síncrona de 45 min de duración.

O acceso ás conferencias require inscrición previa e pódese realizar dende a páxina da Fundación Juana de Vega.

Para recibir a ligazón á sesión é necesario estar inscrito nalgún dos módulos en liña que se ofrecen na plataforma.

A grella de conferencias web ampliarase nos próximos meses, pero actualmente ten as seguintes sesións confirmadas:

Febreiro- marzo 2023

Abril 2023

Maio 2023

Xuño 2023