Durante os anos 2013 e 2014, a Fundación Juana de Vega, a Axencia Galega de Desenvolvemento Rural (AGADER) e a Universidade de Santiago de Compostela, desenvolveron o proxecto “Propiedade, Mobilidade de Terras e Valorización Territorial”.
Durante os anos 2013 e 2014, a Fundación Juana de Vega, a Axencia Galega de Desenvolvemento Rural (AGADER) e a Universidade de Santiago de Compostela, desenvolveron o proxecto “Propiedade, Mobilidade de Terras e Valorización Territorial”. Entre os seus propósitos principais estaba o de deseñar un protocolo institucional, técnico e tecnolóxico para a mellora da caracterización e comprensión da mobilidade de terras en Galicia, co obxecto de analizar e comprender os mercados de terras, os efectos que teñen na mobilización produtiva da terra agrícola e, a través dela, incidir na flexibilidade e eficacia da produción primaria.
O proxecto concluíu que as fontes idóneas para obter información sistemática e actualizada sobre as dinámicas da mobilidade de terras en Galicia son os datos xestionados directamente polo Banco de Terras e os derivados do Imposto de Transmisións Patrimoniais e Actos Xurídicos Documentados. Por outro lado, a integración dos datos do Sistema de Información Xeográfica Catastral (SIXCA) e o Sistema de Información Xeográfica de Parcelas Agrícolas (SIXPAC) permite obter unha aproximación a mecanismos de mobilidade de terras non documentados como os contratos orais de arrendamento, cesións e/ou permutas. Finalmente, a análise dos indicadores en relación a variables do REAGA ou o Mapa de Aptitude Produtiva do Solo, entre outros, permiten facer unha aproximación sistemática ao comportamento da oferta e a demanda potenciais, así como, caracterizar os índices (prezo, por exemplo) en función de variables estruturais e agronómicas.
Por iso, as administracións implicadas no tratamento destes datos, que empregan como silos estancos para os seus propios cometidos, desexan impulsar a creación e posta en marcha do Observatorio de Mobilidade de Terras de Galicia, que a través da elaboración anual e sistemática dunha serie de indicadores que cubran todo o territorio galego a escala municipal e parroquial, dunha metodoloxía de seguimento da mobilidade de terras, ademais doutras actividades de análise e estudo, ofreza a todos os axentes interesados información válida para a toma de decisións, que facilite un fortalecemento significativo da capacidade de adaptación e modernización do sector público e privado, no tocante á xestión sostible da terra e do territorio, ao tempo que fornece de transparencia ao mercado de terras rústicas de Galicia.
Máis información en Observatorio de mobilidade de terras de Galicia
Presentación dos resultados do Observatorio de Mobilidade de Terras de Galicia...
Crease o Observatorio da Mobilidade de Terras de Galicia, que ten como obxectivos identificar as dinámicas do mercado de terras rústicas en Galicia, dotalo dunha maior transparencia tanto para axent...
Rosa Quintana acudiu hoxe á sede da Fundación Juana de Vega para manter unha reunión de seguimento do convenio asinado con esta entidade e coa Universidade de Santiago para mellorar o coñecemento ...