A Fundación Juana de Vega organiza mañá mércores 29 de novembro a presentación dos 11 proxectos que durante todo este 2023 estiveron “medrando” no seu XI Programa de Apoio a Empresas Agroalimentarias. Este “demoday” terá lugar a partir das 10.00h na nosa sede en San Pedro de Nós, Oleiros.
O obxectivo do encontro é que os emprendedores e empresas poidan presentar os seus proxectos a potenciais proveedores, clientes, financiadores ou incluso asociados clave. Tamén darán a coñecer as súas iniciativas para crear riqueza no rural de Galicia.
Nesta ocasión, e por primeira vez, entregaremos o premio ao mellor proxecto da modalidade de emprendemento entre as cinco persoas participantes nesta categoría coas propostas:
- Recuperación da raza porco silleiro (aldea modelo de Penedo, Boborás, Ourense)
- Color Caléndula (Vilalba, Lugo)
- Porto do Corgo (A Capela, A Coruña)
- Cooperativa Vélaro (sede en Lugo, toda Galicia)
- Raquel Biskaia – Viño natural (O Bolo, Ourense)
O xurado estará integrado por:
- José Luis Cabarcos Corral, director da AGACAL (Consellería do Medio Rural. Xunta de Galicia)
- Patricia López Quintiá, xefa do servizo de Fomento do Emprendemento (Consellería de Promoción do Emprego e Igualdade. Xunta de Galicia)
- José Manuel López Marcos, director comercial de Caixa Rural
- Enrique Sáez Ponte, presidente da Fundación Juana de Vega
- José Manuel Suárez, coordinador do Programa de Apoio a Empresas Agroalimentarias
- Loly Martínez Cortizas, titora do Programa de Apoio a Empresas Agroalimentarias
Os 6 proxectos da modalidade Consolidación:
- Cítricos Eco Rías Baixas (Tomiño, Pontevedra)
- Abeiro da Loba (Sobrado dos Monxes, A Coruña)
- Cooperativa Terras da Mariña (Lourenzá, Lugo)
- Horta das Táboas (A Laracha, A Coruña)
- Casa Barbeiro (Alfoz, Lugo)
- Leite sen máis (Monterroso e Palas de Rei, Lugo)
Preparando a próxima edición
Ata o próximo martes, 5 de decembro (todo o día) mantemos aberta a inscrición na edición 2024 do XII Programa de Apoio a Empresas Agroalimentarias en https://programadeapoyo.juanadevega.org. Está dirixido a persoas emprendedoras e a empresas do sector agroalimentario de Galicia, pero tamén ao marisqueiro, forestal ou pesqueiro, ademais de bioeconomía, proxectos de base tecnolóxica ou servizos relacionados. A decena de seleccionados optan a un ano de mentorización gratuíto, especializado e intensivo, para poñer en marcha a súa idea emprendedora, recuperar unha explotación familiar ou impulsar un negocio en activo que precise un impulso.
