A Fundación Juana de Vega é beneficiaria e responsable de comunicación do proxecto Soil&WineResidues – Sostibilidade do solo de viñedo e aproveitamento ecoeficiente dos residuos vitivinícolas, cofinanciado polo Fondo Europeo de Desenvolvemento Rexional (FEDER) a través do programa Interreg Sudoe 2021-2027.
O proxecto ten como obxectivo principal avanzar cara a modelos produtivos de economía circular no sector vitivinícola do espazo SUDOE, mellorando a saúde e a calidade do solo do viñedo e aproveitando de maneira ecoeficiente os residuos lignocelulósicos xerados polas adegas. O consorcio integra 15 socios beneficiarios e 92 asociados de España, Francia e Portugal, e desenvolve actuacións piloto e de transferencia de resultados nos tres países.
1. Obxecto do servizo
Contratar un servizo de apoio para o deseño gráfico, a maquetación e a produción dos materiais necesarios para a execución das actividades de comunicación e divulgación previstas no proxecto Soil&WineResidues.
2. Características do servizo
O servizo incluirá o deseño e a produción (en formato editable e final para impresión/difusión dixital) dos seguintes elementos:
- Deseño do cartel do proxecto e modelo adaptado para eventos.
- Deseño e maquetación de tres folletos:
- Folleto de presentación do proxecto.
- Folleto de resultados.
- Folleto resumo da estratexia.
- Deseño dun roll-up.
- Deseño de merchandising.
- Creación de modelos de documentos (Word e PowerPoint).
- Modelos para publicacións en redes sociais (formatos adaptados ás principais plataformas).
- Adaptación de todos os deseños para promoción en liña (mock-ups, etc.).
- Maquetación de 3 infografías e 10 resumos prácticos.
- Maquetación profesional da Estratexia e Plan de Acción do proxecto.
Requisitos xerais:
- O adxudicatario deberá coordinarse coa unidade de comunicación do proxecto para axustar contidos (facilitados pola unidade de comunicación) e formatos.
- Todos os materiais deberán entregarse nos tres idiomas do programa (español, francés e portugués) e en inglés. Os contidos (nos catro idiomas) serán facilitados pola unidade de comunicación.
- Os materiais deberán entregarse en formato editable (en Canva e programas profesionais) e definitivo para impresión ou difusión dixital.
- Os traballos deberán cumprir coa identidade visual do programa Interreg Sudoe e coas normas de visibilidade do FEDER.
3. Prazo de execución do servizo
O contrato cubrirá o período de execución do proxecto desde a formalización ata o 31 de maio de 2028, cun calendario específico acordado entre a Fundación Juana de Vega e o provedor seleccionado, segundo o avance das actividades.
4. Orzamento máximo
O orzamento dispoñible para esta contratación é de 10.000,00 € IVE incluído.
Non se admitirán ofertas económicas que superen esta contía.
5. Procedemento de adxudicación
A contratación realizarase mediante procedemento de concorrencia competitiva entre as ofertas presentadas no prazo e forma indicados no anuncio da convocatoria.
6. Documentación a entregar coa oferta
- Oferta económica (desagregada sen IVE e con IVE incluído).
- Portfolio de traballos previos en deseño gráfico e maquetación de materiais similares, incluíndo os traballos en proxectos europeos.
- Proposta organizativa e técnica para a execución dos traballos solicitados. Indicar prazos para cada un dos materiais en número de días/semanas desde que se dispoña do contido.
7. Criterios de adxudicación
- Oferta económica (70 puntos):
P = (PM × MO) / OF
P = Puntuación a outorgar a cada oferta
PM = Puntuación máxima para cada criterio (70 puntos)
MO = Importe da oferta máis barata (en euros)
OF = Oferta a valorar (en euros).
- Ademais da oferta económica, teranse en conta para a adxudicación os seguintes criterios cualitativos (30 puntos):
- Adaptación do estilo do provedor aos obxectivos do proxecto.
- Experiencia en proxectos europeos.
- Garantía e rapidez na entrega de materiais.
- Capacidade de réplica dos deseños en formato Canva.
- Calquera outra mellora técnica proposta.
Ofertas anormalmente baixas
Co obxectivo de asegurar a calidade e viabilidade do proxecto, considerarase que unha oferta económica é anormalmente baixa cando o seu importe sexa un 20% ou inferior á media das ofertas recibidas.
Nestes casos, a entidade poderá solicitar ao provedor unha xustificación por escrito que explique como pode executar o proxecto con ese orzamento, incluíndo:
- Explicación de vantaxes competitivas, innovacións ou condicións excepcionais que permitan ofertar a ese prezo.
- Garantías de cumprimento dos requisitos técnicos e prazos.
- Calquera outra documentación que demostre a capacidade técnica e financeira para executar o contrato nos termos ofertados.
Se a xustificación non resulta suficiente, a entidade resérvase o dereito a excluír a oferta por considerala inviable.
8. Forma de pago
O pago realizarase contra a presentación de factura e previa conformidade da Fundación Juana de Vega coa prestación efectuada. A Fundación Juana de Vega poderá establecer pagos parciais en función dos fitos de entrega.
9. Confidencialidade e protección de datos
O adxudicatario queda obrigado a manter a confidencialidade sobre toda a información e documentación á que teña acceso durante a execución do contrato, así como a cumprir coa normativa vixente en materia de protección de datos.
10. Prazo e forma de presentación da oferta
- Prazo: 10 días hábiles* a partir do día seguinte á publicación da convocatoria, ata o luns, 6/10/2025 ás 23:59 horas
- Envío: por correo electrónico a tgesto@juanadevega.org co asunto: "Soil&WineResidues – Contratación servizo deseño e produción de materiais gráficos".
*Actualización a 30/09/2025. Comunícase que se advertiu no anuncio orixinal o seguinte erro:
- Onde dicía: “Prazo: 10 días naturais a partir do día seguinte á publicación da convocatoria.”
- Debe dicir: “Prazo: 10 días hábiles a partir do día seguinte á publicación da convocatoria.”