O movemento Vilas en Flor 2026 volve facer visible a súa actividade coas visitas de avaliación aos 40 municipios galegos que este ano aspiran a recibir as Flores de Honra (ata un máximo de cinco). Este é o galardón co que o programa recoñece a xestión sostible, a educación ambiental e a concienciación cidadá no coidado da contorna. A gala anual celebrarase este ano en Salceda de Caselas (Pontevedra).
En Galicia, o movemento Vilas en Flor está promovido pola Fundación Juana de Vega xunto con Asvinor (Asociación de Viveristas del Noroeste) e Agaexar (Asociación Galega de Empresas de Xardinería). Nesta edición, volve contar co patrocinio da Consellería de Medio Ambiente, a través do Instituto de Estudos do Territorio.
O equipo de expertos percorre Galicia
O equipo de expertos voluntarios empezou hoxe a recorrer Galicia para valorar o traballo realizado durante o ano pasado polos gobernos municipais para continuar mellorando a xestión dos seus espazos verdes tendo en conta os aspectos contemplados nas bases. Estos son, entre outros, o coidado do patrimonio vexetal e paisaxístico; o respecto polo medio ambiente e a sostibilidade; o uso social e as sinerxías coa actividade turística.
Na seguinte táboa, indícase o calendario de visitas por concellos:
| DÍA | VISITA 1 | VISITA 2 | VISITA 3 |
| 01-Out | Carballo | Ponteceso | Vimianzo |
| 02-Out | Mondariz | Mondariz-Balneario | |
| 02-Out | Allariz | Leiro | O Carballiño |
| 05-Out | A Guarda | O Rosal | Tomiño |
| 08-Out | Mos | As Neves | Ponteareas |
| 08-Out | Cambados | Sanxenxo | Marín |
| 09-Out | Culleredo | Arteixo | A Laracha |
| 09-Out | A Estrada | Lalín | Chantada |
| 13-Out | Abegondo | ||
| 14-Out | Cuntis | Caldas | Vilagarcía |
| 16-Out | A Pobra De Trives | San Xoan de Río | Manzaneda |
| 16-Out | Oza-Cesuras | Curtis | Sarria |
| 20-Out | Tui | Salvaterra De Miño | Salceda De Caselas |
| 20-Out | San Sadurniño | As Somozas | As Pontes |