Como se pode mellorar a situación do mercado da carne de vacún en Galicia? José Manuel Andrade Calvo, director da Fundación Juana de Vega, defendeu en Lugo a “necesidade de rachar co cuasi monopolio no ámbito industrial vinculado á IXP Ternera Gallega”.
É un dos fitos acadados no primeiro ano de traballo deste proxecto europeo do que é socia a Fundación Juana de Vega. A nosa entidade tamén participou na segunda reunión presencial do consorcio na cidade estoniana de Tartu entre o 26 e 27 de setembro.
A próxima semana, entre o martes 22 e o xoves 24, a Fundación Juana de Vega xunto co proxecto agroecolóxico Os Biosbardos (Cambre) organiza o curso de tres días “O
Beatriz Suárez Sánhez, directora da Área de Desenvolvemento Rural da Fundación Juana de Vega, participa esta semana como convidada en tres xornadas en Vigo, Lugo e A Coruña. Nelas presentará o traballo da nosa entidade para promoción do medio rural de Galicia desde diferentes sectores e tamén apoiando a formación de novos profesionais recibindo estudantes en prácticas.
Teresa Táboas Veleiro, vicepresidenta da Fundación Juana de Vega e da Unión Internacional de Arquitectos (UIA) participa na xornada de debate “Altura de miras” que organiza a delegación da Coruña do COAG.
No marco do proxecto CAPRIF-CC (Comunidades Activas e Paisaxes Resilientes ante Incendios Forestais e Cambio Climático), que lidera a Fundación Juana de Vega, organízanse dúas novas xornadas formativas sobre a valorización dos recursos do monte. Terán lugar en Seoane do Courel (Lugo) e Rianxo (A Coruña) o xoves 12 e o martes, 17 de setembro, ambas de 17:00 a 20:00h. As persoas interesadas en asistir deben inscribirse previamente.
O consorcio do proxecto DOWN TO EARTH, do que forma parte a Fundación Juana de Vega, acaba de publicar a súa terceira newsletter semestral cun resumo das actividades realizadas desde febreiro pasado.
Camila, Jorge e Franco foron os tres bolseiros que esta primavera – verán completaron a súa formación académica superior na nosa entidade antes de empezar, ou retomar, o seu camiño laboral. Foi un pracer contar con eles no equipo e aprender mutuamente!
Estarán dirixidas aos gandeiros e gandeiras de carne inscritos na IXP Ternera Gallega. Abordarán o funcionamento da nova plataforma do Grupo Operativo DIXITEGA, que conxuga diferentes fontes de información relevantes para o sector. Terán lugar en Lugo, Becerreá, Vilalba, A Gudiña e Santiago entre o 18 de xuño e o 2 de xullo en horario de tarde.
Do 4 ao 6 de xuño de 2024, os socios do proxecto DOWN TO EARTH viaxaron á rexión alemá de Neckar-Alb para participar na terceira visita de estudo do proxecto. Por parte de Fundación Juana de Vega asistiron o director da Área de Investigación e Innovación, Alfonso Ribas, e a técnica de proxectos, Tania Gesto.
Ademais de investigar, no marco do Grupo Operativo Avea Moura tamén queremos recuperar a tradición vinculada á avea negra galega, a 𝐴𝑣𝑒𝑛𝑎 𝑆𝑡𝑟𝑖𝑔𝑜𝑠𝑎 e, en xeral, ao cultivo e consumo da avea en Galicia. Os interesados en colaborar nesta consulta, ademais de deixar a súa achega en redes sociais, tamén nos poden escribir ao email info@juanadevega.org.
Entre o 7 e o 9 de abril, o Grupo Operativo Avea Moura, no que participa a Fundación Juana de Vega, estivo presente no Galicia Fórum Gastronómico 2024 celebrado na Coruña da man de dous dos socios: a cooperativa Muulhoa e o restaurante Culler de Pau. Desde a nosa entidade tamén apoiamos a presentación.