Durante a xornada “Infraestrutura verde e viticultura no territorio da IXP Betanzos”, organizada no marco do proxecto europeo ECOSPHEREWINES, abordáronse os retos do sector vitivinícola galego ante o cambio climático, a conservación do solo, a biodiversidade e a economía circular.

O director da Fundación Juana de Vega, José Manuel Andrade, advirte de que a falta de rendibilidade das explotacións agrarias está a comprometer a remuda xeracional e, con ela, o futuro produtivo do rural galego e da soberanía alimentaria.

A segunda sesión da Mesa 6 de Comunicación e Concienciación Social do Foro Territorio Rural Resiliente puxo o foco na necesidade de reforzar a presenza do rural nos medios, combater estereotipos e crear novas alianzas entre xornalistas, universidades, creadoras de contido, administracións e sociedade civil.

O Foro Territorio Rural Resiliente (FTRR), iniciativa independente impulsada pola Fundación Juana de Vega e o Laboratorio do Territorio da USC (LaboraTe), celebrou no IBADER (Campus Terra de Lugo) a súa segunda xeira de xuntanzas técnicas.

A Fundación Juana de Vega acolleu esta mañá a segunda xuntanza da mesa de “Visión estratéxica do territorio rural” do Foro Territorio Rural Resiliente. A sesión supuxo un paso decisivo na construción dun modelo de territorio máis preparado fronte aos incendios e ao cambio climático. 

A Fundación Roberto Rivas, entidade colaboradora do Foro, reuniu este venres, 17 de abril a expertos para avanzar en propostas que reforcen o emprendemento, melloren o acceso a recursos e activen o ecosistema territorial galego. O proceso de reflexión colectiva, aberto tamén a cidadanía a través dun formulário na web foroterritoriorural.gal, culminará nun evento aberto ao público xeral mediante inscrición o 28 de maio en Santiago de Compostela.

Nesta edición 2026, os emprendedores e empresas seleccionados entre as máis de 60 solicitudes recibidas, representan a variedade do rural galego xa que están vinculados ao sector lácteo e cárnico, vitivinícola, castaña, conservas, cosmética natural e servizos TIC para o rural.

A Fundación RIA acolleu hoxe a continuación dos debates sobre cooperación público-privada-comunidade tras unha primeira xuntanza na que se puxo de manifesto a necesidade de acción conxunta para a xestión do territorio no rural. O proceso de reflexión colectiva culminará nun evento aberto ao público xeral mediante inscrición o 28 de maio en Santiago de Compostela. Na web foroterritoriorural.gal habilitouse un formulario para que calquera persoa poida enviar achegas, ideas ou propostas que amplíen e complementen o proceso.