O Grupo Operativo DIXITEGA é un dos 8 proxectos españois seleccionados pola Red Rural Nacional para competir nos “Premios europeos de Inspiración Rural e Agraria” 2024. En Galicia, o outro proxecto seleccionado foi Agropurín.

Un requisito para presentar a candidatura era que os proxectos estivesen financiados pola PAC a través do Fondo Europeo Agrario Agrario de Garantía (FEAGA) e/ou o Fondo Europeo Agrícola de Desenvolvemento Rural (Feader), como é o caso de DIXITEGA.

Os finalistas poderán asistir á cerimonia de entrega de premios en Bruxelas, cunha data aínda por determinar. Que servirá de rede para establecer contactos. Así mesmo, os proxectos seleccionados serán difundidos a través do portal “Boas Prácticas” da Rede Europea da PAC, así como a través das súas redes sociais.

O Grupo Operativo (GO) DIXITEGA está a crear unha plataforma TIC que dará acceso a datos relevantes aos diferentes actores da cadea de valor da IXP Ternera Gallega. Para iso, explorou as necesidades dos diferentes actores en materia de acceso e uso de datos, e impartiu formación para garantir que os actores da cadea de valor estean capacitados para facilitar a adopción e un mellor uso non só desta plataforma, senón tamén das TIC en xeral. A solución tecnolóxica desenvolveuse mediante un proceso de co-deseño no que participaron socios de GO e outras partes interesadas relevantes. Esta metodoloxía participativa promoveu a dixitalización inclusiva do sector, evitando o dominio duns poucos operadores.

O consorcio do Grupo Operativo #DIXITEGA está coordinado pola Fundación Juana de Vega e son entidades socias a Fundación Centro Tecnolóxico da Carne, o Consello Regulador das IGPs de Carne de Vacuno de Galicia - Ternera Gallega, Agrigga Carne a Fundación Centro Tecnolóxico de Telecomunicacións de Galicia (Gradiant). As entidades colaboradoras son o CIAM (Centro de Investigacións Agrarias de Mabegondo), Acruga e DIH Data Life.