SELECCIONANDO a emprendedores con iniciativas e proxectos de novas empresas agroalimentarias, orixinais e capaces de crear valor engadido na súa contorna.

AXUDANDO a perfilar a súa idea de negocio así como o seu perfil estratéxico e competitivo.

PROPORCIONANDO as ferramentas de coñecemento, información, análise e xestión para levar a bo fin os seus proxectos.

APOIANDO a posta en marcha da súa empresa e lanzamento dos seus produtos e/ou servizos ata a súa viabilidade comercial.

GUIANDO na procura de financiamento, axudas e socios para a súa empresa.

A primeira ten por obxectivo dotar ao emprendedor da información e formación necesaria para definir o proxecto de empresa e trasladalo a un plan de negocio.

• Misión, Visión e Valores: Reflexión e avaliación co emprendedor sobre os elementos básicos do proxecto.
• Análise da contorna: Captación de información relevante sobre a contorna xeral e específica da empresa.
• Análise e avaliación das cinco forzas competitivas do proxecto.
• Análise DAFO.
• Definición da matriz competitiva: estratexia do proxecto- empresa.
• Mercadotecnia Mix (produto, prezo, promoción e lugar de venda)
• Plan comercial.
• Plan financeiro: Establecemento das necesidades financeiras, recursos dispoñibles e financiamento do proxecto.
• Orzamento e cadro de mando: Definición de cocientes de control operativo, económico, financeiro e estratéxico.

A segunda parte ten como obxectivo o apoio e seguimento do emprendedor na fase implantación e saída ao mercado da súa empresa ata conseguir os primeiros obxectivos do plan.

• Asistencia na tramitación de subvencións e/ou axudas.
• Asistencia nos primeiros pasos na execución dos distintos aspectos do plan.
• Reaxuste de obxectivos.
• Procura de posibles axudas operativas e/ou financeiras (mentoring, bussines angel, capital risco, capital semente)
• Asistencia no control orzamentario e do cadro de mando.
• Asistencia xurídica.